 |
| مخاطر الكلور |
الفتره دي اغلب الستات بدأوا يستعملوا الكلور في تنضيف كل حاجه تقريبا بسبب ڤايروس الكورونا وهو فعلا قاتل للڤايروس مقول
لكن *نركز في الي جاي* ..
*مش معنى اني هقتل بيه الڤايروس اني اقتل بيه نفسي و ولادي !*
❌ *ماتحطيش كلور في صابون المواعين 😗
اياكي ثم اياكي تخلطي ولو حتى نقطة كلور مع صابون المواعين و تغسلي بيه الاطباق و الكوبايات خطر جدا على الصحه و بيسبب الفشل الكبدي و تآكل الاغشيه المخاطيه مع التكرار و دخوله للجسم و ما تفتكريش ان الكوبايه مثلا مهما شطفتيها ان الكلور طلع منها ! لا الكلور بيفضل فيها و صعب يطلع الا مع مرور وقت و كميه كبيره جدا كمان من الميّه .. !
❌ *الكلور يمنع في اماكن الغذاء 😗
الكلور نستعمله في الحمامات او ارضيات المطابخ و ممكن مسح ارضيات البيت بنسبه بسيطه مخلوطه بكميه كبيره من الميّه لكن التحذير ان ما يتمسحش او يترش بيه مباشرة حتى لو مخفف ترابيزات الأكل او رخامة المطبخ او اي مكان ممكن تطوله مواد غذائيه او خضار و لحوم ، زي ما قلنا مادة الكلور سامه و غلط جدا تختلط بأي اكل الانسان ممكن ياكله ..
كمان بلاش ترابيزات الاطفال ارجوكم لان بيقع منهم ساعات حلويات و أكل عليها و ممكن تلقط الماده لا قدر الله ..
❌ *خطر استعمال الكلور مباشرة عالجلد 😗
اعتقد مفيش حد عاقل ممكن يستعمل الكلور ولو مخفف في تعقيم الإيدين !
انتي متخيله لو حطيتي نقطه من الكلور على ازازة ميه و رشيتي منها على ايديكي ممكن يحصل ايه ؟
التهاب في الجلد بنسبه عاليه و اكزيما و ياسلام بقا لو لمست ايدك عنيكي او انفك بيحصل تهيج و تآكل في الاغشيه المخاطيه الموجوده فيهم ! يبقا ليه يا بنت الناس !!
طبعا بديل تعقيم الايدين حصرا هو الكحول و الي تركيزه بالنسبه المسموح بيها (٧٠٪ او ٨٠٪) و يترش على مناديل مبلله او ممكن يترش مباشرة على الايد و يترك دقيقه و تشطفي ايدك بميه نضيفه قبل الاكل طبعا ..
و علشان كده لما آجي انضف حمامي بالكلور لازم استعمل جوانتي المهم جلدي ما يحتكش بالكلور ابدا ..
❌ *خطر استنشاق الكلور 😗
الكلور ماده ريحتها نفّاذه جدا الاقتراب منها بمسافه قصيره و التعامل معاها مباشرة بيعمل ضيق تنفس و هياج للأغشيه المخاطيه و التنفسيه الي هتخليكي غصب عنك تحسي بدوخه و غثيان و كحه ممكن توصل للإقياء و لإلتهاب الرئه !!
و المصيبه الستات الي بتخلط الكلور بمواد تانيه زي الفلاش و الديتول انواع المطهرات الاخرى !
انتي لما بتحطي الكلور على اي مواد تانيه اعرفي انك بتحضري قنبله تنفسيه في بيتك ممكن تؤدي لتوقف التنفس لو كنتي في مكان مقفول عليكي زي الحمام !!!
ارجوكي وانتي بتنضفي بيه افتحي شباك الحمام او الشفاط و اشطفي بعد كده بميه غزيره عشان تلامس جلد افراد البيت مع الاغراض في الحمامات ..
بعد كل ده طيب ازاي استعمل الكلور :
منظمة الصحه العالميه قالوا طالما عندك صابون و كحول ف هيتقتل ڤايرس الكورونا يعني بلاش مبالغات في تنضيف الجلد ولا تلجأي للكلور ابدا في التعامل المباشر مع الجلد …. الجللللللد تاني اهو ..
امسحي بيه الشقه مش مشكله لكن خففي الكلور قدر الامكان ويكون بعيد عن اماكن الغذاء ..
امسحي بيه امام مدخل الشقه صح جدا طبعا لانه اكتر مكان معرض للتلوث ..
اغسلي بيه مخفف بميّه حمامك و ارض المطبخ من مرتين ل ٣ في الاسبوع ..
البسي جوانتي ارجوكي و حاولي ما تشميش مادة الكلور من مسافة قريبه❤️
ربنا يحفظنا جميعا